"Бавария" дарвозабони Мануэл Нойер оғир жароҳатига қарамасдан белгиланган миқдордаги маошни олишда давом этади.
Қатардаги Жаҳон чемпионатидан кейин мюнхенлик 36 ёшли дарвозабон чанғи учаётганда оёғини синдириб олди. Жамоа етакчиси камида ёзгача сафдан чиқди, бироқ клуб унга маош тўлашда давом этади.
Журналист Кристиан Фалкнинг хабар беришича, Нойернинг шартномасида унга жароҳатдан кейин тўрт ой ичида тўловларни кафолатловчи банд бор, одатда бундай ҳолларда клуб футболчиларга атиги олти ҳафталик маош тўлаши шарт. Шу тариқа, дарвозабон тўрт ой давомида футболдан ташқарида тахминан 6,5 миллион евро ишлаб олади.
