Аргентина терма жамоаси бош мураббийи Лионель Скалони терма жамоа сардори Лионель Мессининг АҚШ, Канада ва Мексикада бўлиб ўтадиган ЖЧ-2026да иштирок этиш имкониятлари ҳақида гапирди.
Месси 2026 йилнинг июнида 39 ёшга тўлади.
“У майдонда ҳам, терма жамоа либосида ҳам бахтли. Ёш ҳамма учун, шу жумладан, унга ҳам тўсиқ, лекин, албатта, агар у жаҳон чемпионатида ўйнаса, бу бизга кўп нарса беради. Мен буни ҳозирча шундай қолдирган бўлардим, лекин кўрамиз", деди Скалони.
Аргентина терма жамоаси 2022 йил Қатарда бўлиб ўтган жаҳон чемпионати ғолибига айланди ва финалда Францияни мағлуб этди (3:3, 4:2 – пенальтилар), Месси эса турнирнинг энг яхши футболчиси деб топилди.
