"Лейпциг" спорт директори Макс Эберль "Боруссия" сардори Марко Ройс билан шартнома имзолаши мумкинлиги ҳақида гапирди.

Миш-мишларга кўра, 33 ёшли ярим ҳимоячи "Боруссия" билан шартномани узайтиришдан манфаатдор эмас, чунки гўёки улар у билан ҳамкорликни давом эттириш борасида ҳали музокара ўтказмаган. "Манчестер Юнайтед" ва "Лейпциг" Ройсни ўз сафига қўшиб олиш ниятида.

"Лейпциг" спорт директори Sky Sport нашрига бу ҳақиқат эмаслигини айтди: "Биз ёзги трансферлар ойнаси ҳақида пухта ўйлаймиз, текин трансферларга эътибор қаратамиз. Ҳа, биз Ройс вакили билан учрашдик, лекин биз асосан кофе ичдик ва ўйинчи ҳақида кам гаплашдик" - деди Эберль.

Эслатиб ўтамиз, Марк бутун клубдаги фаолиятини Германияда ўтказган ва 2012 йилдан буён "арилар" таркибида ўйнаб келмоқда. Ярим ҳимоячси жорий мавсумда 12 та ўйинда майдонга тушиб, 3 та гол урди ва 4 та голли узатмани амалга оширди.