"Бавария" бош мураббийи кечаги Бундеслига доирасида "Кёльн"га қарши кечган ва 1:1 ҳисобидаги дуранг билан якунланган ўйинда ярим ҳимоячи Леон Горецка нега алмаштирилганини тушунтирди.
Эслатиб ўтамиз, мюнхенликлар кетма-кет икки ўйиндан бери Германия чемпионатида дуранг ўйнамоқда.
Горецка ўйинни асосий таркибда бошлади, аммо иккинчи бўлим бошланишидан олдин алмаштирилди. "Бавария" устози Юлиан Нагельсманнинг фикрича, алмаштиришга Леонинг "Кёльн" ҳимоячиси билан тўқнашувдан кейин боши айлангани сабаб бўлган.
Ҳозир Горецканинг соғлиғи жойида ва у кейинги ўйинга тайёр бўлиши керак. Жорий мавсумда ярим ҳимоячи Германия чемпионатида учта гол урди ва битта голли узатмани амалга оширди.
