Бильбаонинг "Атлетик" клуби собиқ бош мураббийи Марселино Гарсия Тораль бир кун келиб "Реал" ёки "Барселона"да ишлашига ишонмаяпти.
Эслатиб ўтамиз, мураббий ўтган мавсум охирида "басклар" сафини тарк этганидан кейин ҳамон ишсиз юрибди.
"Реал" ёки "Барселона"? Ишончим комилки, улар менга ҳеч қачон қўнғироқ қилишмайди. Мен уларнинг талабларига мос келмайман", - деди испаниялик мутахассис Madrid Zone билан суҳбатда.
Эслатиб ўтамиз, айни дамда Ла Лигада "Реал" ва "Барселона" чемпионлик учун кураш олиб бормоқда. Каталонияликлар “қироллик клуби”дан уч очко олдинда.
Марселино аввалроқ “Валенсия”, “Вильярреал” ва “Севилья”да ҳам ишлаган.
