Кириш Регистрация
28/03 19:00 Динамо - Металлург
29/03 19:00 ОКМК - Бунёдкор
29/03 19:15 Қизилқум - Локомотив

“Ливерпул”га керак юлдузлар

Баҳо:
+ | -

"Ливерпуль" бу мавсумда барқарор ўйин кўрсатмаяпти. Бир йил аввал “қизиллар” сўнгги тургача “Манчестер Сити” билан чемпионлик учун курашган бўлса, энди Чемпионлар лигасидан ҳам қуруқ қолмаслик ҳақида бош қотирмоқда. Мерсисайдликларнинг асосий муаммоларидан бири кадрлар масаласидир. "Ливерпуль" ПСВдан қанот ярим ҳимоячиси Коди Гакпони сотиб олди, аммо бу барча қийинчиликларни енгиш учун етарли эмас. Кўпчилик мутахассисларнинг фикрича, "қизиллар" ярим ҳимоя чизиғини кучайтириши керак.

Мерсисайдликлар ҳақиқатдан ҳам ўрта чизиқда ҳамма ишлари яхши эмас. Наби Кейта, Алекс Окслейд-Чемберлен ва Жеймс Милнер мавсум охирида клубни тарк этиши мумкин. Жордан Хендерсон ҳар доим ҳам яхши ўйин кўрсатмайди. Артур Мелони ижарага олиш ҳали ҳеч нарса бермади. Буларнинг барчаси “қизиллар”нинг трансфер бозорида янги футболчиларни излашига тўғри келишидан далолат беради. Келинг, улар учун муносиб номзодларни топишга ҳаракат қилайлик.

Жуд Беллингем

Албатта, Беллингем ўз ўрта чизиғини кучайтирмоқчи бўлган клублар учун дарҳол ёдга тушади. Бу энг мақбул, аммо айни пайтда энг қиммат вариант. Дортмунднинг "Боруссия" клуби ўз футболчиси учун камида 100 миллион евро сўрайди. Мерсисайдликлар бундай катта пул ажратадими ёки йўқ билмаймиз. "Ливерпуль" 19 ёшли ярим ҳимоячи учун "Реал" билан курашда иштирок этиши керак. Беллингем "қизиллар" учун яхши вариант бўларди. Бу ёш, аммо айни пайтда футбол меъёрлари бўйича етук футболчи, ҳар қандай жамоани дарҳол кучайтиришга қодир.

Юри Тилеманс

Тилеманс ўтган ёзда "Лестер"ни тарк этиши мумкин эди, аммо иккиланиб қолди, гарчи "Арсенал" уни қўлга киритишга жиддий қизиқиш билдираётган эди. "Канонирлар" белгияликни узоқ кутишлари даргумон эди. “Барселона” ҳам уни ўз сафига қўшиб олмоқчи бўлганлар қаторида бор, агар у ниҳоят эркин агент бўлишга қарор қилса, футболчи учун курашга киришиши мумкин. Мерсисайдликлар учун 25 ёшли ярим ҳимоячи яхши вариант бўлиши мумкин. Тилеманс Премьер-лигада катта тажрибага эга. Лекин ҳаммаси футболчига боғлиқ бўлади.

Сергей Милинкович-Савич

Кўп клублар Милинкович-Савични ўз сафида кўришни хоҳлайди. Бу кўп йиллар давомида "Лацио"нинг энг яхши ўйинчиларидан бири бўлган тўлиқ шаклланган футболчи. Ўтган мавсум серб учун энг яхшиси бўлди. А Серияда 27 ёшли ярим ҳимоячи 11 та гол урди ва 11 та голли узатмани амалга оширди. Афтидан, Милинкович-Савич ўзининг энг юқори чўққисига чиқди ва унинг жамоаси билан шартномаси 2024 йилнинг июнигача мўлжалланган. "Қизиллар" учун ўз моделига жуда мос келадиган футболчини олишга уринмаслик ғалати бўларди. Серб учун бундай клубга ўтиш унинг фаолиятидаги янги ва, албатта, муваффақиятли босқич бўлиши мумкин.

Пиотр Зиелински

Зиелински "Наполи"нинг шу пайтгача кучли ўйин кўрсатишига ҳисса қўшган футболчилардан биридир. Бироқ, неаполликлар футболчи билан шартномани узайтириш борасида ҳали келиша олишмади, бошқа клублар, жумладан, “Ливерпуль” ҳам ҳозирданоқ унга қизиқишни бошлашди. Миш-мишларга кўра, "қизиллар" 28 ёшли ярим ҳимоячини ўз сафига қўшиб олиш ҳақида ўйлаяпти, бироқ ҳозирча аниқ чора кўрмаяпти. Польяк деярли бутун фаолиятини Италияда ўтказди, лекин у доимо яхши даражада ўйин кўрсатади. А Сериянинг сўнгги икки мавсумида гол+пас тизимида 18 ва 11 очко. Бундай футболчи мерсисайдликларга халақит бермасди.

Алексис Макаллистер

Аргентина терма жамоасининг жаҳон чемпионатидаги ғалабасидан сўнг кўплаб футболчиларга эътибор кучайган. Макаллистер улардан бири. Алексис "Брайтон"да ўйнайди, бу эса вақти-вақти билан Англиянинг топ клублари, жумладан, "Ливерпул" учун муаммоларни келтириб чиқаради. 24 ёшли ярим ҳимоячи жорий мавсумда АПЛда 16 та ўйинда майдонга тушиб, 5 та гол урди. Бу марказий ярим ҳимоячи учун яхши кўрсаткичлар. Макаллистерда "қизиллар"га керак бўлган сифатлар бор: аниқ зарба, ҳужумкор ўйинчилар билан тўғри муносабат ва юқори савияда ўйнаш истаги. Албатта, “Брайтон” ўз таркибидаги Жаҳон чемпионини жуда қадрлайди, лекин рад этиб бўлмас таклифлар ҳам футболда учраб туради.

Киритилди: 18:45, 25.01.2023.
Ўқилди: 3445 марта.
Фикрлар: 2 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.