"Барселона" бош мураббийи Хави Эрнандес Испания кубоги доирасида "Реал Сосьедад"га қарши ўйиндан сўнг жамоанинг ўйинидаги камчилик ҳақида гапирди.
“Жамоада рақиб дарвозаси олдида тажовузкорлик етишмаяпти. Ўйинимиздаги бу жараён менга унчалик ёқмайди. Олдинга бориб, иккинчи ва учинчи голларни уришимиз керак эди. Вазият талаб қилганда жамоа янада тажовузкор ва шижоатли бўлиши керак", - деди Эрнандес Маrcа газетасига.
“Барселона” “Реал Сосьедад”ни 1:0 ҳисобида мағлуб этди. Ягона гол иккинчи бўлимда франциялик вингер Усмон Дембеле томонидан киритилди.
