Испания кубоги 1/4 финалида “Осасуна” ўз уйида “Севилья”ни мағлуб этди – 2:1. Учрашув Памплонадаги "Эл Садар" стадионида бўлиб ўтди.
"Осасуна" ўз тарихида олтинчи марта ва 2004/05 йилги мавсумдан кейин биринчи марта Қирол кубогининг ярим финалига чиқди.
Ўша йили улар клуб тарихидаги ягона финалини ўтказиб, "Реал Бетис"га 1:2 ҳисобида мағлуб бўлишганди.
“Осасуна”нинг бу мавсумдаги ярим финалдаги рақиби қуръа натижасига кўра кейинроқ аниқланади.