"Ювентус" ярим ҳимоячиси Уэстон Маккенни агентлари Премьер-лига клублари билан музокара ўтказиш учун Лондонга жўнаб кетишди, деб хабар беради La Republicca.
Манбага кўра, 24 ёшли футболчининг вакиллари "Арсенал" ва "Лидс" билан учрашувлар ўтказишади. "Ювентус" америкалик учун 30 миллион евро талаб қилмоқда.
"Арсенал" ҳозирда тўлиқ трансферни амалга оширишга тайёр, "Лидс" эса сотиб олиш имконияти билан ижара таклиф қилмоқда.
Жорий мавсумда Маккенни туринликлар сафида 21 та ўйин ўтказиб, 3 та гол ва 2 та голли узатмага муаллифлик қилган.