Саудия Арабистони Суперкубоги ярим финалида «Ал-Иттиход» мухлислари «Ан-Наср» ҳужумчиси Криштиану Роналдуни салбий ҳайқириқлар билан кутиб олди. 37 ёшли португалияликнинг жамоаси 1:3 ҳисобида мағлуб бўлди.

Talksport хабарига кўра, мухлислар Роналду трибуналарга яқинлашганда «Месси! Месси!» дея қичқиришди.

Португалиялик футболчи кеча учрашувни майдонда ўтказди, аммо гол ура олмади. Шу тариқа у Саудия Арабистони клуби сафида дастлабки икки расмий ўйинда бирорта ҳам гол ура олмади.

Навбатдаги учрашувда «Ан-Наср» Саудия Арабистони чемпионатида «Ал-Фотих» билан куч синашади. Ўйин 3 февраль куни бўлиб ўтади.