Мадриднинг "Реал" клуби ҳужумчиси Родриго Гоэс Испания кубоги чорак финалида "Атлетико"га қарши ўйиндаги ғалаба (3:1) ҳақида фикр билдирди ва "матрасчи"ларнинг ҳимоячи Стефан Савичнинг четлатилиши борасидаги даъволарини тушунмаслигини айтди.
"Улар нимани хоҳлашаётганини тушунмаяпман. Мен баҳслашишни ёқтирмайман, лекин нима талаб қилишганини билмайман. Савич майдондан четлатилди ва биз ўйинга қайтдик, бошқа айтадиган гапим йўқ. Мен ажойиб гол урдим ва ғалаба қозондик.
Анчелотти танаффусда кийиниш хонасида нима деди? Билмадим, чунки мен у пайтда майдонда машғулот ўтказиб, жамоамга ёрдам беришга тайёрланардим. Анчелотти - жуда яхши мураббий, мен у билан ишлашдан мамнунман, у бизни ишончга тўлдиради. Майдонга тушаётганимда у менга туртки берди. Бу бизга ўйинга қайтишимизга ёрдам берди", - деди Родриго Mundo Deportivo билан суҳбатда.
