"Барселона"нинг собиқ футболчиси Дани Алвеш қамоқхонада маҳбуслар орасида жуда машҳур.

Mundo Deportivo нашри хабарига кўра, бразилиялик футболчи маҳбусларга жуда кўп дастхат қўйишга муваффақ бўлган ва унинг қамоқхона ҳаётига мослашиши ҳозирча яхши кетмоқда.

Эслатиб ўтамиз, бир неча кун олдин Алвеш тунги клубда қизни зўрлаганликда гумонланиб қўлга олинган эди. Бразилиялик футболчининг ўзи ўз айбини тан олмади, бироқ тергов давомида у уч марта кўрсатмасини ўзгартиришга муваффақ бўлди.

Ҳибсга олинган куннинг эртасига Дани Алвеш клубисиз қолганди, чунки Мексиканинг "Пумас" клуби 39 ёшли бразилиялик билан шартномани бекор қилганди.