"Брайтон" бош мураббийи Роберто де Зерби Англия кубоги баҳси олдидан "Ливерпуль" ва Юрген Клопп ҳақида гапирди.
29 январь куни “чайкалар” турнирнинг 1/16 финал босқичида “қизиллар”ни қабул қилади. Премьер-лига жамоаларининг яқинда бўлиб ўтган учрашувида "Брайтон" Клопп жамоасини ишончли 3:0 ҳисобида мағлуб этди.
"Ливерпуль" топ жамоа, бу бизга қийин бўлади. Мен "Брайтон"ни фаворит деб ҳисобламайман. Ҳа, биз ҳозир Премьер-лига турнир жадвалида юқорироқмиз, аммо “Ливерпуль” барибир “Ливерпуль”. Юрген Клопп дунёдаги энг яхши мураббийлардан бири, бу унинг фаолиятидан далолат беради ва мен уни жуда ҳурмат қиламан. Албатта, биз охирги учрашувимиздагидек ўйнашни истардик, аммо қийин жангга тайёрмиз”, деди де Зерби матбуот анжуманида.
