Хорватия терма жамоаси бош мураббийи Златко Далич Амстердамнинг «Аякс» клубини бошқаришга таклиф қилинди. Бу ҳақда Голландиянинг De Telegraaf нашри хабар бермоқда.
Манбага кўра, «Аякс» раҳбарияти Далич ва яна икки нафар номи ошкор этилмаган мураббийни ушбу лавозимга таклиф қилган. Хорватиялик мутахассис амстердамликлар таклифини рад этди. Яна икки мураббий ҳам «Аякс»ни бошқаришдан бош тортди.
Маълумот учун, Далич Хорватия терма жамоасида 2017 йилдан буён ишлаб келади. Унинг раҳбарлигида Хорватия терма жамоаси жаҳон чемпионатида ўз тарихидаги энг яхши натижани қайд этди. Жамоа 2018 йилда Россияда бўлиб ўтган мундиалда кумуш медални қўлга киритди. 2022 йилда Қатарда бўлиб ўтган сўнгги жаҳон чемпионатида Далич шогирдлари бронза медалларига эга чиқди.
