Ҳуқуқлари Донецкнинг «Шахтёр» клубига тегишли бўлган Франциянинг «Лион» клубида ижарада ўйнаётган бразилиялик ярим ҳимоячиси Тете Англиянинг «Лестер» клубига ижарага берилади. Бу ҳақда журналист Николо Скира хабар берди.
Келишув якуний босқичда эканлиги айтилмоқда.
«Лион» Тетени 2022 йилнинг март ойи охирида «Шахтёр»дан ижарага олган эди. Клублар дастлаб унинг француз клубида 2022 йилнинг 30 июнига қадар ўйнашига келишиб олган эди.
Кейин ижара яна бир йилга - 2023 йилнинг ёзига қадар узайтирилди. Франция лигасининг жорий мавсумида бразилиялик футболчи 17 та ўйин ўтказиб, 6 та гол ва 2 та голли узатмага муаллифлик қилган.
