"Лейпциг" футболчиси Дани Ольмо Германия чемпионатининг жума куни "Штутгарт"га қарши ўйинидан сўнг клуб шифохонасига ётқизилди.
Клуб матбуот хизмати хабарига кўра, 24 ёшли испаниялик футболчининг чап сонида мушак толаси ёрилиб кетган. Дани Ольмо энди бир неча ҳафтага сафдан чиқади.
Бундеслига доирасидаги “Лейпциг” – “Штутгарт” учрашуви “буқалар”нинг 2:1 ҳисобидаги ғалабаси билан якунланди. Биринчи бўлимдан кейин Дани Ольмо алмаштирилди.
2022/2023 йилги мавсумда Дани Ольмо “Лейпциг” сафида жами 17 та ўйин ўтказди. Уларда футболчи тўртта гол урди ва шерикларига олтита голли узатмани амалга оширди.
