Франциянинг "Аяччо" клуби президенти Ален Орсони Франция чемпионатининг 2-турида "Пари Сен-Жермен" клубига қарши баҳсда ўз футболчиларининг қахрамонлик кўрсатганини рағбатлантириш кераклигини таъкидлади.
Сахий президент, клубнинг ҳар бир футболчисига қўшимча 300 евродан мукофот пули берилишини айтди.
Эслатиб ўтамиз, "Аяччо" бюджет жиҳатидан Франция олий дивизионининг энг камтарона жамоаси ҳисобланади. Ўтган мавсумда унинг бюджети бор-йўғи 20 млн. еврони ташкил қилган эди. Бу кўрсаткич эса Франциянинг иккинчи лигасида иштирок этувчи клубларникидан ҳам камдир.