"Ювентус" бош мураббийи Массимилиано Аллегри Италия чемпионати 20-туридан ўрин олган "Монца"га қарши ўйиндан олдинги фикрлари билан ўртоқлашди.
“Жамоа ўзини барча ташқи муаммолардан ажратиб қўйиши, диққатини жамлаши ва тўпланган очколарга қайтишга интилиши керак. Биз фақат футбол ҳақида қайғуришимиз керак. Олдинда бизни мавсумнинг иккинчи қисми кутиб турибди", - дея Аллегрининг сўзларидан иқтибос келтирган клуб матбуот хизмати.
20 январь куни Италия суди молиявий фирибгарлик туфайли "Ювентус"ни футбол бўйича миллий чемпионатнинг жорий мавсумида 15 очкодан маҳрум қилди.
