Ўзбекистон миллий терма жамоаси 13 ва 15 август кунлари Иордания терма жамоаси билан сафарда 2та ўртоқлик учрашувини ўтказди. Аслида, терма жамоамиз дастлаб Тошкентда ўртоқлик ўйинини ўтказиш учун рақиб излаганди.
Терма жамоа бош мураббийи Миржалол Қосимовнинг айтишича, терма жамоа 15 август куни учун Қозоғистон футбол федерациясига таклиф билан чиққан. Аввалига таклифга розилик берган қозоғистонликлар, кейинчалик ўз фикрларидан қайтишган. Шу тариқа Тошкентда ўртоқлик ўйини ўтказилмади.
Қозоғистон эса 15 август куни Премьер-лига легионерлар терма жамоаси билан назорат учрашувини ўтказиш билан чекланди.














