"Бавария" ҳимоячиси Маттейс де Лигт Германия Бундеслигасининг 18-туридан ўрин олган "Айнтрахт"га (1:1) қарши ўйинда жамоанинг ўйини ҳақида фикр билдирди.
“Биринчи бўлимда биз яхши муносабат кўрсатдик, вазиятлар яратдик, лекин уларни голга айлантира олмадик. Бу сафар биринчи бўлим "Кёлн" билан ўйинга қараганда яхшироқ ўтди. Аммо иккинчи бўлимда биз ҳар доим ҳам ҳимояда яхши ўйнай олмадик ва рақибнинг ўйинга қайтишига имкон бердик.
Рақиб иккинчи бўлимда тезкор қарши ҳужумларда ўйнади ва бизга муаммо туғдирди. Биз "Бавария"миз, биз аниқроқ ўйнашимиз керак", - дейди де Лигт.
“Бавария” Бундеслиганинг 18-туридан кейин 37 очко билан пешқадамлик қилмоқда. "Айнтрахт" турнир жадвалида бешинчи ўринни эгаллаб турибди. Франкфуртликлар жорий мавсумда 32 очко тўплашди.
