Гарри Магуайр "Манчестер Юнайтед"даги мавқеи ҳақида гапирди.
Эрик тен Хаг қўл остида ҳимоячи "МЮ"нинг асосий таркибидаги ўрнини йўқотди. Чунки у жорий мавсумда атиги 8 та ўйинда асосий таркибда майдонга тушди.
"Мен 29 ёшдаман ва фаолиятимда ҳеч қачон бундай вазиятда бўлмаганман. Мен бунга кўникишни хоҳламайман. Бу футболнинг бир қисми. Мен ҳар куни қаттиқ ишлайман. Ҳаракат қиламан, яхши машқ қиламан. Имконият пайдо бўлганда, мен ундан фойдаланишим керак.
“МЮ”дек клубга рақобатбардош таркиб кераклигини ҳамма билади. Бизда юқори савиядаги марказий ҳимоячилар бор. Ҳозирдан мавсум охиригача жамоа ҳар биримизга муҳтож бўлади", - деди ҳимоячи ITV телеканалига.
