"Барселона" расмий сайтида Усмон Дембеленинг тиббий хулосаси натижалари эълон қилинди.
Тиббий кўриклар давомида 25 ёшли франциялик футболчининг чап сон мушаги шикастлангани аниқланди. Яқин орада Дембеле ўйинларда иштирок эта олмайди. Қанот ярим ҳимоячисини тиклаш муддати кейинроқ аниқланади.
Усмон Дембеле жорий мавсумда “Барселона” сафида барча мусобақаларда 28 та ўйинда майдонга тушди. Футболчи саккизта гол урди ва еттита голли узатмани амалга оширди.
"Барселона" 18 ўйинда 47 очко тўплаган ва Испания Ла Лигасининг 2022/2023 йилги мавсуми турнир жадвалида биринчи ўринда бормоқда.
