"ПСЖ" ва "Ноттингем Форест" Кейлор Навасни ижараси борасида музокаралар олиб бормоқда.
L'Equipe хабарига кўра, инглиз клуби Париж клубига дарвозабон учун маошининг 50 фоизи тўланадиган сотиб олиш ҳуқуқисиз ижара таклифи билан чиққан.
Бундай таклиф "ПСЖ"га маъқул келиши мумкин, аммо француз клуби аввало ижарага берилган футболчилар билан боғлиқ муаммоларни ҳал қилиши керак. "ПСЖ"нинг аллақачон 8 нафар футболчиси бошқа жамоаларга ижарага берилган, парижликлар эса бошқа футболчини ижарага беришга ҳақли эмас.
Шу муносабат билан Луиш Кампуш камдан-кам майдонга тушадиган футболчилардан бирининг ижарасидан воз кечиши мумкин. Унинг исми ҳозирча номаълум.
Аввалроқ Навас "Ноттингем Форест"га ўтишга рози бўлгани маълум бўлганди. Хабар қилинишича, унинг "ПСЖ"даги маоши солиқларсиз йилига 9 миллион еврони ташкил қилади.
Жорий мавсумда 36 ёшли дарвозабон "ПСЖ" сафида барча турнирларда (иккаласи ҳам Франция кубогида) бор йўғи 2 та ўйинда майдонга тушди.
