Италия А Сериясининг 20-турида Туриннинг “Ювентус” клуби ўз майдонида “Монца”га ютқазиб, ўйиннинг биринчи бўлимидаёқ иккита гол ўтказиб юборди. Аргентина терма жамоаси сафида яқинда жаҳон чемпионига айланган Анхель ди Мария учрашув натижаси ҳақида фикр билдирди. У жамоанинг биринчи бўлимдаги ўйинидан хафа:
"Биринчи бўлим даҳшатли бўлди, биз кўплаб индивидуал хатоларга йўл қўйдик. Натижада ўйин биз режалаштиргандан бутунлай бошқача бўлиб чиқди. Энди биз менталитетимизни ўзгартиришимиз керак, ахир биз "Ювентус"миз", - дея ди Мариянинг сўзларини келтиради juvenews.eu.
