Italiya A Seriyasining 20-turida Turinning “Yuventus” klubi o‘z maydonida “Monsa”ga yutqazib, o‘yinning birinchi bo‘limidayoq ikkita gol o‘tkazib yubordi. Argentina terma jamoasi safida yaqinda jahon chempioniga aylangan Anxel di Mariya uchrashuv natijasi haqida fikr bildirdi. U jamoaning birinchi bo‘limdagi o‘yinidan xafa:
"Birinchi bo‘lim dahshatli bo‘ldi, biz ko‘plab individual xatolarga yo‘l qo‘ydik. Natijada o‘yin biz rejalashtirgandan butunlay boshqacha bo‘lib chiqdi. Endi biz mentalitetimizni o‘zgartirishimiz kerak, axir biz "Yuventus"miz", - deya di Mariyaning so‘zlarini keltiradi juvenews.eu.
