"Милан" бош мураббийи Стефано Пиоли А Сериянинг 20-турида "Сассуоло"га қарши ўйинда жамоасининг йирик ҳисобдаги мағлубияти (2:5) ҳақида фикр билдирди.

"Ҳафсаламиз пир бўлди, лекин умидсизлик билан узоққа бормаймиз. Сўнгги ўйинлар муаммоларимиз борлигини кўрсатмоқда. Бу мени ўйинимизни яхшилаш ва бошқача ҳал қилиш кераклигини тушунишимга ундайди. Бу мавсумда бизнинг Скудетто - ЕЧЛга йўлланма берадиган ўринни эгаллаш. Мақсадимиз шу. Биз уч ҳафта олдин бўлган жамоамизга ўхшамадик. "Рома"ни 2:0 ҳисобида мағлуб эта олмаганимиздан сўнг, аввалгидек ўйнашни тўхтатдик" - деди Пиоли Sky Sport билан суҳбатда.

20 та ўйиндан сўнг "Милан" Италия чемпионати турнир жадвалида 4-ўринни эгаллаб турибди, жамоа ҳисобида 38 очко бор.