"Milan" bosh murabbiyi Stefano Pioli A Seriyaning 20-turida "Sassuolo"ga qarshi o‘yinda jamoasining yirik hisobdagi mag‘lubiyati (2:5) haqida fikr bildirdi.
"Hafsalamiz pir bo‘ldi, lekin umidsizlik bilan uzoqqa bormaymiz. So‘nggi o‘yinlar muammolarimiz borligini ko‘rsatmoqda. Bu meni o‘yinimizni yaxshilash va boshqacha hal qilish kerakligini tushunishimga undaydi. Bu mavsumda bizning Skudetto - YECHLga yo‘llanma beradigan o‘rinni egallash. Maqsadimiz shu. Biz uch hafta oldin bo‘lgan jamoamizga o‘xshamadik. "Roma"ni 2:0 hisobida mag‘lub eta olmaganimizdan so‘ng, avvalgidek o‘ynashni to‘xtatdik" - dedi Pioli Sky Sport bilan suhbatda.
20 ta o‘yindan so‘ng "Milan" Italiya chempionati turnir jadvalida 4-o‘rinni egallab turibdi, jamoa hisobida 38 ochko bor.
