СПАЛ белгиялик ярим ҳимоячи Ража Наингголан билан шартнома имзолаганини эълон қилди.
34 ёшли футболчининг италян клуби билан келишуви жорий мавсум охиригача мўлжалланган, бироқ унда яна бир йилга узайтириш варианти ҳам кўзда тутилган.
Наингголан жорий мавсумни Бельгиянинг "Антверпен"ида бошлади. Ушбу жамоа учун ярим ҳимоячи 18 та ўйин ўтказишга муваффақ бўлди ва у учта гол урди ва иккита голга ассистентлик қилди. Аввалроқ ярим ҳимоячи "Кальяри", "Рома" ва "Интер" клубларида ҳам тўп тепган.
Эслатиб ўтамиз, СПАЛ Италия Б сериясида ўйнайди. 22 турдан кейин Феррара шаҳри жамоаси 24 очко билан турнир жадвалида 15-ўринда бормоқда.
