"Барселона" ҳужум чизиғини кучайтириш учун янги ўйинчи қидирмоқда.
Яқинда ҳужумчи Мемфис Депай жамоани тарк этиб, "Атлетико Мадрид"га ўтди ва унинг ўрнига ҳали тўғридан-тўғри ўринбосар топилмади. Sport.es хабарига кўра, Хави ҳамон ўз жамоасида янги ҳужумчи кўришдан умидвор. Каталония клуби молиявий босимлардан қаттиқ қийналмоқда, бироқ қишки трансфер ойнасининг сўнгги кунларида муносиб ҳужумкор ўйинчини арзон нархда сотиб олишга ёки ижарага олишга ҳаракат қилади.
“Барселона” айни дамда Ла Лига турнир жадвалида иккинчи ўриндаги “Реал”дан 5 очко олдинда бормоқда.
