"Тоттенхэм"нинг ўнг қанот ҳимоячиси Жед Спенс тез орада "Ренн"га ўтади.
Франция 1-лигаси клуби лондонликлар билан 22 ёшли англиялик футболчини мавсум охиригача ижарага олиш борасида келишиб олди. Журналист Аласдаир Голд хабарига кўра, сешанба куни Спенс "Ренн"да тиббий кўрикдан ўтади, шундан сўнг трансфер расман тасдиқланади.
Жед Спенс 2022 йилнинг ёзидан бери "Тоттенхэм"га тегишли. Англия Премьер-лигасининг жорий мавсумида "шпорлар" таркибида майдонда бор йўғи тўртта ўйин ўтказган.
"Ренн" Франция 1-лигасида 20-турдан кейин бешинчи ўринни эгаллаб турибди.
