"Рединг" "Челси" ярим ҳимоячиси Чезаре Казадеини ижарага олди. 20 ёшли италиялик ўзини "Чемпионшип" клубида синаб кўради.
Чезаре Казадеи ўтган ёзда "Интер"дан "Челси"га 15 миллион евро эвазига кўчиб ўтганди, аммо Лондон асосий жамоасида бирор марта ҳам ўйин ўтказмаган. Ярим ҳимоячининг "кўклар" билан шартномаси 2028 йилнинг июнига қадар тузилган.
"Рединг" 28 турдан кейин чемпионатда 16-ўринни эгаллаб турибди.