Бугун Ўзбекистон Кубоги ярим финали дастлабки учрашувлари бўлиб ўтишидан хабарингиз бор, Тошкентда "Бунёдкор" - "Пахтакор" жамоалари ўзаро куч синашишса, Қарши шаҳрида "Насаф" - "Бухоро" жамоалари майдонга тушишади.
Тошкентда бўладиган учрашув тўғридан - тўғри 19:00 дан бошлаб “Спорт” телеканали намойиш этади, ушбу учрашувни Даврон Файзиев шарҳлаб боради.
Қаршида бўладиган учрашув “Спорт” телеканали буюртмасига асосан "Насаф" ПФК HD КТС орқали ёзиб олиниб, кечки дастурда яъни 23:00 дан бошлаб намойиш этилади, бу учрашувни Зафар Имомхўжаев шарҳлаб боради.
Ҳар иккала учрашув муросасиз кечиши аниқ, чунки ушбу дастлабки учрашувлар бу йилги Кубок учун курашдаги финалчиларни олдиндан аниқлаб бериши ҳам мумкин.
Шунингдек барча футбол мухлисларини стадионга ташриф буюриб, бевосита ўз севган жамоангизни қўллаб-қувватлашларингизни сўраб қоламиз. Маълум сабабларга кўра, стадионга ташриф буюра олмайдиган футбол мухлисларига ушбу қизиқарли учрашувларнинг эфир вақтларини ёдингиздан чиқариб юборманг деймиз.