"Брайтон" ярим ҳимоячиси Мойсес Кайседо қишда "Челси"га ўтиши мумкин.
The Guardian хабарига кўра, Лондон клуби "Брайтон" ярим ҳимоячиси Мойсес Кайседони қишки трансфер ойнаси ёпилгунга қадар сотиб олишни кўриб чиқмоқда. "Кўклар" хўжайини Тодд Боули ҳамон шартномага қизиқиш билдирмоқда.
Қайд этилишича, "Арсенал" Кайседога ҳам даъвогарлик қилмоқда, аммо "Брайтон" футболчини клубни тарк этиш истагига қарамай, қишда қўйиб юбориш ниятида эмас.
21 ёшли Кайседо 2021 йилнинг феврал ойида Эквадорнинг "Индепендиенте" клубидан 5 миллион евро эвазига “Брайтон”га ўтган эди (Transfermarkt маълумотлари). Мойсес жорий мавсумда барча турнирлар доирасида 21 та ўйинда майдонга тушиб, 1 та гол ва битта голли узатмани амалга оширди. Томонлар ўртасидаги келишув 2025 йилнинг ёзида якунига етади.