"Барселона" ҳужмчиси Давид Вилья Испания чемпионатининг 1-турида "Реал Сосьедад"га қарши ўйинда (5:1) голни нишонлагани учун жаримага тортилди.
Жарима суммаси 2 минг евродан уч минг еврогача бўлиши мумкин. Испания примераси регламентига кўра, футболчилар ҳеч қандай сурат ва шиорлар тасвири туширилган футболкаларни кўрсатмасликлари керак, дея хабар беради Marca.
Эслатиб ўтамиз, Вилья гол урганидан сўнг иккинчи футболкасидаги оиласи сурати ва "Сизларсиз уни бажара олмас эдим" деган ёзувни намойиш қилган.
Таъкидлаш жоиз, Вилья тўққиз ойлик танаффусдан сўнг биринчи марта майдонга тушган эди. Унгача жароҳатини аволаш билан банд бўлган.