"Челси" трансфер ойнасининг сўнгги соатларида ўз ярим ҳимоячиларидан бири билан хайрлашади. Sky Sports журналисти Флориан Плеттенбергнинг сўзларига кўра, "кўклар" Жоржиньони "Арсенал"га сотиб, "Эвертон" даъвогарлик қилган Конор Галлахерни жамоада қолдиришга қарор қилган.
Олдинроқ "канонирлар" раҳбарияти "Брайтон" ярим ҳимоячи Мойсес Кайседо бўйича уларнинг таклифини икки марта рад этганидан сўнг, 31 ёшли италиялик ярим ҳимоячига эътибор қаратишгани маълум бўлганди.
"Эвертон" ўз навбатида Галлахер учун 45 миллион евро + Лондоннинг "Челси"сига мумкин бўлган бонуслар сифатида 8 миллион евро миқдорида таклиф билан чиқди. Бироқ бу келишувга на клуб, на футболчи қизиқмаган.
