Бундеслиганинг "Хоффенхайм" клуби ўзининг расмий сайти орқали Томас Делайнини жорий мавсум охиригача ижарага олганини эълон қилди. Аввалроқ даниялик спортчи "Севиля"да тўп тепган.

“Томас ўзининг барча олдинги жамоаларида ҳақиқий етакчи эканлигини исботлаган. Ўзининг футбол ўйнаш услуби ва етакчи ўйинчи сифатидаги фазилатлари билан у, бошқа нарсалар қатори, жароҳатлар туфайли жамоада етишмаётган муҳим жиҳатларни келтиради. “Вердер” ва Дортмунднинг “Боруссия” клубларида ишлаган вақтида у Бундеслига қандай ўйнашини ва муваффақиятга эришиш учун нималар кераклигини жуда яхши тушунди”, - дейди “Хоффенхайм” спорт директори Александр Розен.