"Сельта" ярим ҳимоячиси Денис Суарес "Эспаньол" клубига мавсум охиригача ижарага берилди.
Жорий мавсумда 29 ёшли футболчи Виго жамоаси сафида бирорта ҳам расмий ўйин ўтказмаган. Ўтган йилги Испания чемпионатида Суарес 38 учрашувда 4 та гол ва 6 голга ассистентлик қилган.
Transfermarkt портали Испания терма жамоасининг собиқ футболчисини 5 миллион еврога баҳоламоқда.
Эслатиб ўтамиз, аввалроқ Суарес "Севилья", "Арсенал" ва "Барселона" каби жамоаларда тўп сурган. Каталонияликлар таркибида у икки марта мамлакат чемпионлигини қўлга киритган ва Андалусия клуби билан биргаликда 2015 йилда Европа Лигаси ғолибига айланган.
