"Барселона" бош мураббийи Хави ҳимоячи Эктор Бельерин жамоани тарк этиш ниятида эканлигини тасдиқлади.
“Биз клуб ва футболчилар ўртасидаги ҳалолликни қадрлаймиз. Эктор биздан уни бошқа жамоага қўйиб юборишимизни сўради, чунки у кўпроқ ўйнашни хоҳлайди. Биз унга "Барселона"да ўтказган вақти учун миннатдорчилик билдирамиз", - дея Хави сўзларини келтиради Marca.
Олдинроқ "Спортинг" 27 ёшли испанияликни мавсум охиригача ижарага олиши ҳақида хабарлар тарқалган эди.
2022 йилнинг сентябрида Бельерин "Барселона" билан бир йиллик шартнома имзолади. Transfermarkt портали футболчининг нархини 15 миллион еврога баҳоламоқда.
Жорий мавсумда испаниялик барча мусобақаларда каталонияликлар учун 7 та ўйин ўтказди.
