"Рома"нинг ҳужумкор ярим ҳимоячиси Николо Дзаньоло Англиянинг "Борнмут" жамоасига ўтишга рози бўлди, аммо келишув амалга ошмади.
Дастлаб, 23 ёшли футболчини таклиф қизиқтирмади, бироқ шу ҳафта бошида "Рома"да ўйин амалиётисиз қолишдан қўрқиб, фикрини ўзгартирди. Инсайдер Жанлука Ди Марционинг сўзларига кўра, италиялик учун шахсий самолёт аллақачон тайёр бўлган, бироқ сешанба куни "Борнмут" хўжайини клуб қишки трансфер ойнасида етарлича пул сарфлаганига ишониб, бу ҳаракатни тўсиб қўйган.
Николо Дзаньолога шунингдек, "Тоттенхэм", "Милан" ва "Лидс" клублари билан қизиқаётган эди. "Рома" трансфер учун 30 миллион евро сўраганди.
