"Манчестер Юнайтед" вингери Энтони Эланга мавсум охиригача клубда қолади.
20 ёшли футболчи Эрик тен Хаг жамоасида унчалик талабга эга эмас, шу боис клуб швециялик футболчисини январь ойида ижарага беришни режалаштирганди. Кўринишидан, муносиб таклифлар келиб тушмаган.
Sky Sports нашри хабарига кўра, Эланга қишки трансфер ойнасида "Манчестер Юнайтед"ни тарк этмайди. "Эвертон" унинг учун асосий даъвогар ҳисобланган ва миш-мишлар ёш футболчини Дортмунднинг "Боруссия", Нидерландиянинг ПСВ ва Каталониянинг "Барселона" клубига ўтиши мумкинлиги билан боғлаган.
Энтони Эланга жорий мавсумда Премьер-лигада 13 та ўйинда майдонга тушиб, 1 та голли узатмани амалга оширди.
