L'Equipe нашри хабарига кўра, "Челси" марокашлик ярим ҳимоячи Хаким Зиешнинг "ПСЖ"га ижарага ўтиши бўйича уч марта нотўғри ҳужжатлар юборган.
Қайд этилишича, 29 ёшли футболчи француз клубига ижара шартномаси бўйича сотиб олиш ҳуқуқисиз ўтиши керак эди. "Челси" уч марта нотўғри ҳужжатлар жўнатган, шу сабабли жамоалар шартномани Францияда белгиланган муддат - 1 февраль, Тошкент вақти билан 03:00 дан олдин якунлашга улгурмаган.
Кечикиш, шунингдек, лондонликлар "ПСЖ" раҳбарларини Зиешни сотиб олиш вариантини шартномага киритишга ишонтиришга урингани билан боғлиқ. Парижликлар раҳбарияти Франция чемпионатига мурожаат қилади, аммо талабни қондириш имконияти деярли йўқ.
Зиеш жорий мавсумда “Челси” сафида барча мусобақаларда 15 та ўйинда майдонга тушди ва битта голли узатмани амалга оширди. ЖЧ-2022да Марокаш терма жамоаси билан биргаликда тўртинчи ўринни эгаллади.
