Кеча тунда «Олд Траффорд»да Англия лига кубоги 1/2 финалининг жавоб учрашуви якунланди. «Манчестер Юнайтед» ва «Ноттингем Форест» ушбу босқичда ўзаро баҳслашди (2:0).
Эътиборлиси, «қизил иблислар» Эрик тен Хаг билан барча мусобақаларни инобатга олган ҳолда, кетма-кет ўн икки уй ўйинида ғалаба қозонишди.
Бу «манкунианликлар» тарихида 1986 йилдан 2013 йилгача клубни бошқарган Алекс Фергюсон давридан бери содир бўлмаганди.
26 февраль куни Лондондаги «Уэмбли» стадионида бўлиб ўтадиган турнирнинг ҳал қилувчи баҳсида «Манчестер Юнайтед» «Ньюкасл» билан куч синашади.