Мюнхеннинг “Бавария” клуби бош мураббийи Юлиан Нагельсманн жамоасининг Германия кубоги 1/8 финалидаги ўйинини юқори баҳолади.
“Натижа ва ўйинимиздан жуда мамнунман. "Майнц" жамоаси ва Бо Свенссон билан учрашувлар жуда қийин. Сўнгги тўқнашувларга қараганда тўпни олдинда тажовузкорлик билан эгаллаб олдик. Қолаверса, рақибга устунликка йўл қўймадик.
Бу нафақат ушбу турнир учун, балки охирги ўйинларимиздан кейин ҳам ҳақли ва муҳим ғалаба бўлди. Якшанба куни “Вольфсбург”га қарши ўйинда ҳам худди шу нарсани такрорламоқчимиз”, — деб Нагельсманн сўзларини келтиради клуб расмий сайти.
Кеча кубок баҳсида "Бавария"нинг икки футболчиси дебют қилди: Дейли Блинд ва Жоау Канцело. Ҳар икки футболчи “Бавария” жамоасига қишки трансфер ойнасида келиб қўшилди.
