«ПСЖ» бош мураббийи Кристоф Галтье Франция чемпионатининг 21-турида «Монпелье» устидан қозонилган ғалабадан сўнг (3:1) Килиан Мбаппе ва Серхио Рамос олган жароҳатлар ҳақида гапирди.
«Уларнинг жароҳатлари менга унчалик жиддий туюлмаяпти. Келинг, шифокорлар нима дейишларини кўриб чиқайлик.
Шубҳасиз, бу иккиси ҳам муҳим ўйинчи. Танаффус пайтидаги мулоқотимизга қараганда, алоҳида ташвишлар йўқ.
Килианнинг тиззаси ва сонига зарба берилган. Унда кўкариш аломатлари бор. Биз ҳали тўлиқ ташхисни билмаймиз. Бундай тиғиз ўйинлар тақвими билан биз футболчиларимизни таваккал қилмасликни афзал кўрамиз.
Серхио Рамос йиқилиш пайтида мушакларини шикастлаб олди. Бизнингча, бу жиддий эмас. У алмаштиришларини сўради ва ноқулайлик туфайли майдонни тарк этди», деди Галтье.
