"Барселона" бош мураббийи Хави Эрнандес вингер Рафинья Диаз келаси ёзда жамоани тарк этмаслигини айтди.
“Рафинья ёзда ҳеч қанерга кетмайди. У клуб томонидан тўлиқ қўллаб-қувватланади. Бу футболчини тез-тез танқид қилишади, лекин у бизга кўп яхшилик келтиради. Биз Рафиньяни жуда қадрлаймиз”, - деди Хави матбуот анжуманида.
Кеча 26 ёшли бразилиялик Испания чемпионати доирасидаги "Бетис"га қарши сафар учрашувида гол урди. Умуман олганда, Рафинья ҳисобида Ла Лигада 3 та гол ва 3 та голли узатма бор.
