"Манчестер Юнайтед"нинг собиқ ярим ҳимоячиси Рой Кин "қизил иблислар" сафидаги ижобий ўзгаришлар ҳақида гапирди. Ирландиялик собиқ футболчи айрим ўйинчиларнинг кетиши жамоага ижобий таъсир қилганини таъкидлади.
"Манчестер Юнайтед"га таъсир қилган асосий омиллардан бири - бу жамоадан кетганлардир. Клуб Мата, Матич, Погба ва Лингард билан хайрлашишди. Мен уларни ҳеч қандай танқид қилмайман, лекин улар таркибда бўлганларида бутунлай бошқача муҳит ҳукм сурарди", - деди Рой Кин Express билан суҳбатда.
Эслатиб ўтамиз, “қизил иблислар” “Олд Траффорд”да кетма-кет 12 та ғалабага эришган. Бу Алекс Фергюсондан кейин биринчи марта содир бўлди. "Манчестер Юнайтед" ҳозирда АПЛ турнир жадвалида 4-ўринда бормоқда.
