"Manchester Yunayted"ning sobiq yarim himoyachisi Roy Kin "qizil iblislar" safidagi ijobiy o‘zgarishlar haqida gapirdi. Irlandiyalik sobiq futbolchi ayrim o‘yinchilarning ketishi jamoaga ijobiy ta’sir qilganini ta’kidladi.
"Manchester Yunayted"ga ta’sir qilgan asosiy omillardan biri - bu jamoadan ketganlardir. Klub Mata, Matich, Pogba va Lingard bilan xayrlashishdi. Men ularni hech qanday tanqid qilmayman, lekin ular tarkibda bo‘lganlarida butunlay boshqacha muhit hukm surardi", - dedi Roy Kin Express bilan suhbatda.
Eslatib o‘tamiz, “qizil iblislar” “Old Trafford”da ketma-ket 12 ta g‘alabaga erishgan. Bu Aleks Fergyusondan keyin birinchi marta sodir bo‘ldi. "Manchester Yunayted" hozirda APL turnir jadvalida 4-o‘rinda bormoqda.
