«ПСЖ» ўз сафига юлдуз футболчиларни жалб этишда давом этади. El Nacional хабарига кўра, Лига 1 гранди ҳозирда сифатли футбол кўрсатаётган «Манчестер Юнайтед» ҳужумчиси Маркус Рэшфордга қизиқиш билдирмоқда.
Манбага кўра, «ПСЖ» Маркус трансфери учун 75 миллион евро тўлашга тайёр. Шу билан бирга, парижликлар Лионель Месси билан шартномани узайтира олмасагина, ёзда англияликни нишонга олишлари қайд этилган.
Маркус Рэшфорд 2022/2023 йилги мавсумда «Манчестер Юнайтед» сафида 31 та ўйинда майдонга тушган. Уларда форвард 18 та гол урди ва шерикларига 8 та голли узатма берди.
