Мюнхеннинг "Бавария" клуби Чемпионлар лигаси 1/8 финалидаги рақиби - "ПСЖ"нинг таркибини кучайтирмаслик учун қишки трансфер ойнасининг сўнгги кунида ҳимоячи Бенжамин Паварни "Интер"га қўйиб юбормади. Бу ҳақда Relevo нашри хабар бермоқда.
Манбага кўра, "Интер" қишки трансфер ойнасининг сўнгги соатларида Паварнинг трансфери бўйича "Бавария"га расмий таклиф билан чиққан. Франциялик ҳимоячини миланликлар раҳбарияти қишда "ПСЖ"га ўтиши мумкин бўлган ҳимоячи Милан Шкриньярнинг ўрнини босувчи футболчи сифатида кўриб чиқди. "Бавария" Чемпионлар лигаси 1/8 финалидаги рақиби ўз таркибини кучайтирмаслик учун ўз футболчисини "Интер"га қўйиб юборишдан бош тортди. Шу тариқа, Шкриньярга ўринбосар топмаган "Интер" словакиялик футболчини "ПСЖ"га қўйиб юбормади.
"ПСЖ" ва "Бавария" ўртасидаги илк ўйин 14 февраль куни Парижда бўлиб ўтади.
