«Милан»нинг собиқ ҳимоячиси Алессандро Костакуртанинг фикрича, клубнинг жорий мавсумдаги асосий муаммоси ҳимоядаги инқироздир.

Юқорида айтиб ўтганимиздек, январь ойида «Милан» ўз дарвозасидан ўн саккизтагача гол ўтказиб, клуб антирекордини ўрнатди. 1990 йилларда «Милан»да ўйнаган Костакурта буни хавотирли аломат деб билади.

«Жамоа ҳимояда мустаҳкам бўлиши керак, энди муаммо ҳужумда эмас, айнан шу ерда. Олдинда, озми-кўпми, ҳаммаси аниқ бўлади, буни «Сассуоло» билан ўйин ҳам кўрсатди.

Ҳақиқий муаммо ҳозир жамоанинг ҳимоясида», - деди Костакурта. Эслатиб ўтамиз, «Милан» ҳафта охирида «Интер»га қарши майдонга тушади.